الاثنين، 14 مارس 2011
الثلاثاء، 8 مارس 2011
بروسكه كى بيروزبايي سه روك مام جلال بو زنانى عيراق به بونه ى8 مارس ه و ه
بهبۆنهی هاتنی رۆژی جیهانیی ژنانهوه كه رێكهوتی ههشتی مارسی ههموو ساڵێك دهكات، سهرۆك مام جهلال بروسهكهیهكی پیرۆزبایی ئاڕاستهی ههموو ژنانی عیراق كرد ئهمهی خوارهوه دهقهكهیهتی:
بۆ ژنان و خانمانی عێراق و هاوڕێیانی كاروانی خهبات و بنیاتنان، هاوبهشانی نیشتمان، چهپكه گوڵهكانی پیرۆزبایی وخۆشهویستیی پڕ له بهرامهی ئهمهك و وهفاداری و سوپاسگوزاریی بۆ ئێوه لهم جهژنهتاندا كهئێمهو جیهانیش ههموو ساڵێك ئاههنگی تێدا دهگێڕین جهژنی ژنان جیهان، ئهو رۆژهی تێیدا خۆشهویستیی و پێزانین و بهئهمهكیی دووپاتدهكهینهوه بۆ دایكان و خوشكان و هاوڕێیانی ژیان و نهوهی نوێ و خهبات و تێكۆشانی ژنان و قوربانیدانیان دههێنیینهوه یاد لهپێناو داكۆكیی و پارێزگاریی كردن له بههاكانی كهرامهتی مرۆڤایهتییی و راستیی و دادپهروهریی و دهر بازبوون له مێژووی فهرامۆشیی و جیاوازیی كردن و بێ بهشكردن .
لهم رۆژهدا مێژوویهكی پرشنگدار وهبیردههێنینهوه لهخهباتی ژنانی عێراق لهپێناو مافهكانیان و لهپێناو بنیاتنانی كۆمهڵێكی دوور له ستهم و چهوسانهوه كه تێیدا ژنان و پیاوان به مافی مرۆیی وهك یهك شاد دهبن و ژیان به ئاشتیی و دادپهروهریی و خۆشگوزهرانیی فهراههم دهكات.
ئهمڕۆش خهباتی ژنانی عێراقی بهردهوام دهبێ لهپێناو چهسپاندنی دهوڵهتی دیموكراتیی و ئازادییهكان و دهستورو ئێستا مافی ئهوهیان ههیه لهسهر كۆمهڵ كه شادببن به ههموو ئهو ئاواتانهی پێشتر لێی بێبهش بوون و له پێناو بهدیهێنانیاندا خهباتیان كردووهو قوربانیی گهورهو گرانیانداوه و ببنه هاوبهشێكی راستهقینه له بنیاتنانی ژیانی تازه له رێی رۆڵێكی كاریگهرهوه كه پێیان ببهخشرێت له دهستگاو دامهزراوهكانی دهسهڵاتدا لهسهر ههموو ئاستهكانیان.. لهههمان كاتیشدا ژنان رۆڵی تایبهتیی خۆیان بگێڕن له پێگهیاندنی نهوهو پاراستنی یهكێتیی كۆمهڵی عیراقیی و پارێزگاریی بكات له پلهو پێگهی بایهخداری خۆی وهك رهگهزی میانڕهویی و هاوسهنگیی له كۆمهڵگهدا.
سڵاوی رێزو شكۆمهندیی بۆ ههموو ژنانی عیراقیی كه شانبهشانی پیاوان ئێستای دیموكراتیی ئازادیی ئێمه بنیاتدهنێن بۆ گهیشتن بهو خواست و ئاواتانهی ههمانن لهئاشتیی و پێشكهوتن و ئازادیی و خۆشگوزهرانیی.
ههموو ساڵێك ژنانی عیراق له خۆشییدا بن، چهپكه گوڵهكانی پڕ له بهرامهی خۆشهویستیی و ئاسوودهیی بۆئهوان دهنێرین لهم جهژنه پیرۆزهیاندا .
جهلال تاڵهبانی
سهرۆكی كۆمار
بۆ ژنان و خانمانی عێراق و هاوڕێیانی كاروانی خهبات و بنیاتنان، هاوبهشانی نیشتمان، چهپكه گوڵهكانی پیرۆزبایی وخۆشهویستیی پڕ له بهرامهی ئهمهك و وهفاداری و سوپاسگوزاریی بۆ ئێوه لهم جهژنهتاندا كهئێمهو جیهانیش ههموو ساڵێك ئاههنگی تێدا دهگێڕین جهژنی ژنان جیهان، ئهو رۆژهی تێیدا خۆشهویستیی و پێزانین و بهئهمهكیی دووپاتدهكهینهوه بۆ دایكان و خوشكان و هاوڕێیانی ژیان و نهوهی نوێ و خهبات و تێكۆشانی ژنان و قوربانیدانیان دههێنیینهوه یاد لهپێناو داكۆكیی و پارێزگاریی كردن له بههاكانی كهرامهتی مرۆڤایهتییی و راستیی و دادپهروهریی و دهر بازبوون له مێژووی فهرامۆشیی و جیاوازیی كردن و بێ بهشكردن .
لهم رۆژهدا مێژوویهكی پرشنگدار وهبیردههێنینهوه لهخهباتی ژنانی عێراق لهپێناو مافهكانیان و لهپێناو بنیاتنانی كۆمهڵێكی دوور له ستهم و چهوسانهوه كه تێیدا ژنان و پیاوان به مافی مرۆیی وهك یهك شاد دهبن و ژیان به ئاشتیی و دادپهروهریی و خۆشگوزهرانیی فهراههم دهكات.
ئهمڕۆش خهباتی ژنانی عێراقی بهردهوام دهبێ لهپێناو چهسپاندنی دهوڵهتی دیموكراتیی و ئازادییهكان و دهستورو ئێستا مافی ئهوهیان ههیه لهسهر كۆمهڵ كه شادببن به ههموو ئهو ئاواتانهی پێشتر لێی بێبهش بوون و له پێناو بهدیهێنانیاندا خهباتیان كردووهو قوربانیی گهورهو گرانیانداوه و ببنه هاوبهشێكی راستهقینه له بنیاتنانی ژیانی تازه له رێی رۆڵێكی كاریگهرهوه كه پێیان ببهخشرێت له دهستگاو دامهزراوهكانی دهسهڵاتدا لهسهر ههموو ئاستهكانیان.. لهههمان كاتیشدا ژنان رۆڵی تایبهتیی خۆیان بگێڕن له پێگهیاندنی نهوهو پاراستنی یهكێتیی كۆمهڵی عیراقیی و پارێزگاریی بكات له پلهو پێگهی بایهخداری خۆی وهك رهگهزی میانڕهویی و هاوسهنگیی له كۆمهڵگهدا.
سڵاوی رێزو شكۆمهندیی بۆ ههموو ژنانی عیراقیی كه شانبهشانی پیاوان ئێستای دیموكراتیی ئازادیی ئێمه بنیاتدهنێن بۆ گهیشتن بهو خواست و ئاواتانهی ههمانن لهئاشتیی و پێشكهوتن و ئازادیی و خۆشگوزهرانیی.
ههموو ساڵێك ژنانی عیراق له خۆشییدا بن، چهپكه گوڵهكانی پڕ له بهرامهی خۆشهویستیی و ئاسوودهیی بۆئهوان دهنێرین لهم جهژنه پیرۆزهیاندا .
جهلال تاڵهبانی
سهرۆكی كۆمار
ده قى وته كانى سه روك مام جلال له ئاهنكى يادى رابه رينى سليمانى
ههڤاڵانی تێكۆشهری شاری ههڵمهت و قوربانی
خوشك و برایانی خۆشهویست
رۆڵه دڵسۆزهكانی رێگای رزگاری و دیموكراتی
لهیادی راپهڕینی بیست لهمهوبهری شاری ههڵمهت و قوربانی بههاوكاری لهگهڵ هێزی پێشمهرگهی كوردستانی یهكێتیی نیشتمانیی كوردستان لهم یاده پیرۆزهدا گهرمترین سڵاوی خۆمان و دڵسۆزی خۆمان بۆ خۆتان و بۆ شاره قارهمانهكهتان دووپاتدهكهینهوه، ئهم شاره قارهمانه بهخۆڕایی ناوی شاری ههڵمهت و قوربانی بهخۆیهوه نهدیووه، بهڵكو ههر لهسهرهتای دروستبوونییهوه، ئهم شاره شاری كوردایهتی و خهبات بووه لهپێناو خهڵكی كوردستان، ئهم شاره كه دروست بووه بۆیه دروست بوو كهپایتهختی ئهمارهتی بابان بێت، كه ئهویش نیمچه حكومهتێكی سهربهخۆی كوردستان بوو، ههر لهم شاره قارهمانهوه بڵێسهی بیروباوهڕی كوردایهتی و رۆشنبیری كوردهواری بهرزبۆتهوه، ئهم شاره قارهمانه ههمیشه لهریزی پێشهوهی خهباتدا بووه، ههمیشه شاری فیداكردن و خۆبهختكردن بووه لهپێناوی بهدیهێنانی ئامانجهكانی خهڵكی كوردستان، لهچهرخی بیستهمدا ئهم شاره بووه یهكهمین پایتهختی یهكهمین حكومهتی كوردستان به سهرۆكایهتی شێخ مهحمودی نهمر، لهم شارهوه بڵێسهی كوردایهتی بهرز بۆوه بۆ ناوچهكانی تری كوردستان.
ههر ههمان شار شاری ههڵمهت و قوربانی لهشهشی ئهیلولدا داستانێكی تری مێژوویی لهمێژووی گهلی كورددا تۆماركرد، داستانی گواستنهوهی خهبات لهشاخهوه بۆ شار، داستانی بهشداریی كۆمهڵانی خهڵكی شار لهخهباتی رزگاری و دیموكراتی خهڵكی كوردستاندا، ئهم شاره لهههمان كاتدا مهڵبهندو پایتهختی رۆشنبیری كوردی بووه، لهم شارهوه شێوهی نوێی رۆشنبیری كوردی، شیعری كوردی، لهمێژووی گهلهكهماندا تۆماركراوه.
شاری سلێمانی شاری سهروهرییهكانی میللهتی كورده، شارێكه كه بهدرێژایی مێژووی خۆی فیداكاری كردووهو خهباتی كردووه لهپێناو بهدیهێنانی ئامانجهكانی خهڵكی كوردستاندا، لهههموو شۆڕشهكاندا رۆڵی پێشهنگی بووه، لهریزی پێشهوهی فیداكاری و خۆبهختكردن بووه شاری سلێمانی ئهم شارهیه كه لهشۆڕشی نوێی گهلهكهشماندا رۆڵێكی سهرهكی و گرنگی بینیووه.
بۆیه ئهم شاره شایستهی ئهوهیه كه لهدڵی ههموو كوردێكدا بگره لهدڵی ههموو عیراقێكی نیشتمان پهروهردا جێگایهكی تایبهتی ههبێت و مایهی سهربهرزی و شانازییه بۆ گهلی كورد كه شارێكی وهكو سلێمانی ههیه، ئهم شاره شایستهی ههموو جۆره پێزانین و رێز لێگرتن و پێداههڵگوتن و خزمهتكردنه، بۆیه ئهم شاره لهڕاپهڕینهكهی بیست ساڵ لهمهو پێشی خۆیدا، نهك ههر خۆی رزگاركرد لهپیلانێكی گڵاوی سهدامییه فاشیستهكان، بهڵكو سهرهتای رزگاری ئهم كوردستانهش بوو، پێشتر حكومهتی سهدام دهیهویست ئهم شاره بچوك بكاتهوه و ورده ورده لهناوی بهرێت، ئهوه بوو زانكۆی گواستهوه، تاكه پارێزگایه كهوا نهخۆشخانهی گهورهی تێدا دروست نهكرد، بهههموو هێزێك دهیهویست ناوی بسڕێتهوه، بهڵام دوای رزگاربوونی كوردستان دهبینین شاری ههڵمهت و قوربانی گهشهكردنی گهورهی بهخۆیهوه دیوه، لهڕووی رۆشنبیری و لهڕووی پێشكهوتن و لهڕووی عومران و لهڕووی سیاسییهوه. ئهم شاره قارهمانه لهمێژووی گهلی كوردو گهلی عیراقدا رۆڵێكی گرنگی بینیوه، ئهم شاره لهسهرهتای چهرخی بیستهوه ههتا ئهمڕۆ شارێكی هۆشیارو زیندوو شارێكی تێكۆشهرو فیداكار بووه، بۆیه ناوی شاری ههڵمهت و قوربانی پڕ بهپێستییهتی، ههروهكو ئهم شاره لهدهوری ئاڵای كوردایهتیشدا ههمیشه كۆن بووه، ههمیشه لهدهوری ئاڵای رزگاری و دیموكراتی كۆبۆتهوهو خهباتی لهپێناوی بهدیهێنانیان كردووه، ئهمڕۆش ئهم شاره مهڵبهندێكی دیموكراتی و ئازادییه، كۆمهڵانی خهڵك بهو پهڕی سهربهستییهوه مافه دیموكراتی و ئازادییهكانی خۆیان لهم شاره بهكاردێنن، مایهی شانازییه بۆ ئێمه كه سلێمانی بووهته نموونهی ئازادی و دیموكراسی لهسهرتاسهری كوردستان و عیراقدا، هیودارین ئهم راستییه باش كهڵكی لێوهربگیرێت و ههموو لایهك رێزی دهستكهوتهكانی شاری سلێمانی و خهڵكی سلێمانی بگرێت. شاری سلێمانی لهریزی پێشهوهی خهباتكردن بووه بۆ چاكسازی و پاكسازی لهكوردستانداو ههمیشه ههوڵیداوه كه لهههموو لایهنهكانی ژیان سیاسی، ئابووری، كۆمهڵایهتی، فهرههنگی چاكسازی بكات، ئهمڕۆش ئهم شاره لهڕیزی پێشهوهی ئهم خهباتهیه، ئهو خهباتهی كهوا یهكێتیی نیشتمانیی كوردستان و پارتی دیموكراتی كوردستان و حكومهتی ههرێم بڕیاریانداوه بهشێوهی جێبهجێكردنی 17 خاڵهكهی پهرلهمانی كوردستان بیبهنهسهرو بهزووترین كات جێبهجێیان بكهن.
خوشك و برایانی خۆشهویست .. ئهو دهستكهوتانهی ئهمڕۆ ههمانه لهپهرلهمان و حكومهتی ههرێمی كوردستان و ئهو ئازادی و سهربهستی و دیموكراتییهی هاتووهته كایه، بهری خهبات و رهنجی هێزی پێشمهرگهی قارهمان و كۆمهڵانی خهڵكی كوردستان لهریزی پێشهوهش خهڵكی سلێمانی بووه، بۆیه پاراستنی ئهم دهستكهوتانه ئهركی سهرشانی ههموومانهو پێویسته ههموومان بهههموو هێزو توانامانهوه خهبات بكهین ههم بۆ بهدیهێنانی ئامانجهكانی بهدینههاتووی كۆمهڵانی خهڵك و ههم بۆ جێبهجێكردنی داخوازییه رهواكانی كۆمهڵانی خهڵكی كوردستان، یهكێتی نیشتمانی كوردستان ههمیشه لایهنگری ئازادی و دیموكراتی و ئهوپهڕی سهربهستی بووه، ههمیشه لایهنگری ئهوهیه كه داخوازییهكانی كۆمهڵانی خهڵك بێتهدی و ههموو كهموكورتی و ناتهواوییهك ریشه كێش بكرێت، ئێمه لهناو یهكێتی نیشتمانی كوردستاندا دهمێكه بڕیاریمانداوه چاكسازی بكهین و بچین بهگژ گهندهڵی و ناتهواوی و ناعهدالهتی و ناتهواوییهكانی تری ناو كۆمهڵی كوردستان، ههروهها ئێمه پشتیوانی لهههموو ئهو داخوازییانه دهكهین كه لهلایهن خهڵكهوه بهرز دهكرێتهوه بۆ چاككردنی ژیانی كۆمهڵانی خهڵك و بهدیهێنانی ئاواتهكانیان.
لێرهدا پێویسته ههڵوێستی خهڵكی یهكێتیی نیشتمانیی كوردستانتان بۆ باس بكهم دهربارهی ئهوهی كه لهم شارهدا ماوهیهكه ههندێك كهس ماندهگرن لهبهردهركی سهرا، ئێمه لایهنگری ههموو جۆره مانگرتن و خۆپیشاندان و داخوازییهكین كه كۆمهڵانی خهڵك بهشێوهی ئاشتی و قانوونی بهرزی دهكهنهوه، پێمانوایه ئهوه حهقێكی رهوای كۆمهڵانی خهڵكه، ههم لهدهستووری عیراق و ههم لهدهستووری ههرێمی كوردستاندا نوسراوه، بۆیه ئێمه نهدهترسین و نهتهنگاوین بهوهی چهندین كهس، سهدان، ههزاران داوای مافهكانی خۆیان بكهن، مافه رهواكانی خۆیان، بگره ئێمه پشتیوانی ئهوانین، بهڵام هیوادراین ئهم جۆره داواكردنه بهئاشتی و بهخۆشی و برایانه بێت، داواش ههم لهخۆپیشاندهران و ههم لههێزهكانی ئهمن و ئاسایش دهكهین كه بهشێوهیهكی برایانهو شارستانیانه لهگهڵ یهك رهفتار بكهن، ههموو جۆره خوێنڕشتنێك ئیدانه دهكهین، ههموو جۆره كوشتنێك زهرهره لهكورد، چ لهخۆپیشاندهران بێت، چ لههێزی ئاسایش بێت. زهرهرهو لهمیللهتی كورد دهكهوێت، بۆیه ئێمه ههموو كوژراوهكان بهشههیدی خۆمان دهزانین و هیوای چاكبوونهوهش بۆ بریندارهكان دهكهین. ههوڵدهدهین بهپێی توانامان یارمهتیان بدهین بۆ زوو چاكبوونهوه، داواكارین كه لهمهوداو ههم خۆپیشاندهران و ههم هێزهكانی ئاسایش ژیرانه، برایانه، هێمنانه رهفتار بكهن و جارێكی دیكه خوێنی كورد لهم شاره نهڕژێت، چ خوێنی پۆلیس و ئاسایش بێت وه چ خوێنی خۆپیشاندهران بێت، چونكه ئهوه زهرهره لهكوردو سیمای كورد لهدنیادا دهشێوێنێت، ئهم شاره وا ناسراوه لهدنیا كه شاری ئازادی و دیموكراتی و بهخۆشی پێكهوه ژیانه، شاری پێشكهوتنه، شاری گهشهسهكردنه، شاری رۆشنبیری و هوشیاری و شیعرو ئهدهبه، بۆیه دهبێت بهههموومان هێمنی ئهم شاره بپارێزین، مافهكانی ئهم شاره بپارێزین، نههێڵێن ئهم شاره تووشی هیچ جۆره نسكۆیهك ببێت.
ئێمه لهسهرهتای دامهزراندنی یهكێتیی نیشتمانیی كوردستانهوه باوهڕمان بهفره حزبایهتی و فره بیروباوهڕی جیاجیا ههبووه لهم وڵاتهدا، ههر خۆمان وهكو یهكێتی نیشتمانی لهچهند باڵێك پێكهاتین، ههروهها لهشاخیشدا بهردهوام دروشمی ئازادی و ژیانمان بۆ هونهرمهندان و ئهدیبان و بیر رووناكانی كورد ههڵگرتبوو، ئێستاش ههمان دروشم بهسهرماندا دهشهكێتهوه، ئێمه لایهنگری ئهوهین كه ئازادی و ژیان دابینبكرێت بۆ ههموو هونهرمهندان و ئهدیبان و خوێندهواران و خوێندكارانی دهرچووی زانكۆكان، ههوڵدهدهین لهناو كۆمهڵی كوردستاندا ئههمیهتێكی تایبهتی بهگهنجان بدرێت، گهنجانی كورد ئهوهندهی حكومهت بۆی كردوون زیاتریشیان بۆ بكرێت، ئهوهی كه بۆیان كراوه لهدابینكردنی خوێندنگاكان، لهدابینكردنی زانكۆكان، لهدابینكردنی مووچه بۆیان، لهدابینكردنی مووچه بۆ ژن هێنانیان، ئهوهی دهوام بكات و زیاد بكرێت، ئێمه لایهنگری ئهوهین كه گهنجان پهروهرده بكرێن بهبیرو هۆشی كوردایهتی و شارهزا بكرێن لهمێژووی گهلهكهیان، داوا دهكهین لهمهكتهبهكان كه مێژووی خهباتی كوردستان بخوێندرێت، تا گهنجی تازه پێگهیشتوو شارهزای ژیانی میللهتهكهیان و خهباتی میللهتهكهیان و مێژووی میللهتهكهیان بن.
خوشك و برایانی خۆشهویست ..
ههڤاڵانی یهكێتی نیشتمانی كوردستان
خهباتگێڕانی رێگای رزگاری و دیموكراتی
ئهو كۆبوونهوهیهتان لهم رۆژهدا، ئهم كۆبوونهوهیهتان لهم یاده پیرۆزهدا، دیسان نیشانهی ئهوهیه كه ئێمه پابهندین بهبیروباوهڕهكانی خۆمان، بهسهرهاتهكانی یهكێتی نیشتمانی كوردستان سهرهتای ئازادی و دیموكراتی و مافی چارهی خۆنووسین و مافی مرۆڤ، بۆیه پێویسته ههموومان درێژه بهخهباتی خۆمان بدهین، ههوڵبدهین كه لهكوردستانی ئێمهدا ئارامی و ئاسایش بهرقهرار بێت، لهكوردستانی ئێمهدا ژیانی سیاسی، گیانی پێكهوهژیان، پێكهوهژیانی حزبه جیاجیاكان، ژیانی ئهوهی كهوا ئازادی دابینبكرێـت بۆ ههموو جۆره بیروباوهڕێك بهرقهرار بێت، ئێمه لهكوردستانی خۆماندا دهمانهوێت نموونهیهكی تازه بنیات بهدنیا بدهین، نموونهیهك بهرۆژههڵاتی ناوهڕاست بدهین، كه كوردستانی ئێمه مهڵبهندی ئازادی و دیموكراسییه، مهڵبهندی بهئاشتی پێكهوه ژیانه، مهڵبهندی ئهوهیه كه حزبه جیاجیاكان بهدایهلۆگ، بهگفتوگۆ، بهخهباتی هێمانانه، بهخهباتی پهرلهمانی، بهخهباتی سیاسی، بهخهباتی ئیعلامی درێژه بهخهباتی خۆیان بدهن و هاوكاری لهناو خۆیاندا بكهن. نموونهیهك بدهین بهگهلان كه چۆن گهلێكی زوڵملێكراوی وهكو كورد پاش رزگاربوون لهزوڵم دهتوانێت بهسهربهرزی، بهسهربهستی، بهئازادی لهوڵاتهكهی خۆی بژیهت و بگوزهرێنێت.
ئێمه وهك یهكێتی نیشتمانی كوردستان پێمانوایه بوونی موعارهزهیهكی كه دهستكهوتهكانی گهل رهچاو دهكات كه هێمنی و ئاشتی گهلهكهی دهپارێزێت، ئهم جۆره موعارهزهیه بهكهڵكهو پێویسته بۆ پێشكهوتنی وڵاتهكهمان، ئێمه لهجیاوازی بیروباوهڕ ناترسین، بهڵكو باوهڕمان بهجیاوازی بیروباوهڕ ههیه، باوهڕمان بهوه ههیه كهوا كۆمهڵانی خهڵكی كوردستان دهتوانن نموونهیهك بدهن لهئاشتی و ئازادی بۆ كۆمهڵانی خهڵكی كوردستان.
ئێمه داوا دهكهین كه وا حكومهتی ههرێم كوردستان كه زۆر خزمهتی كردووه بهكورد، زۆر ئیشی باشی بۆ كوردستان كردووه داوا دهكهین بهردهوام بێت، داواش دهكهین كه 17 خاڵهكهی پهرلهمانی كوردستان جێبهجێبكرێت، ههردوو حزبی سهرهكی پارتی و یهكێتی و حكومهتی ههرێمی كوردستان پێكهوه ئهو داخوازییانه بێننهدیو سهربهستی بكهن. پێویسته خهبات بكهین بۆئهوهی ئهو 17 خاڵهی لهپهرلهمانی كوردستان بڕیاری لێدراوه بێتهدی و دهستبهجێ چاكسازی بكهین و دهستبهجێ داخوازییهكان بۆ كۆمهڵانی خهڵك بێنینهدی و بهپیریانهوه بچین.
یهكێتی نیشتمانی كوردستان وهك ههمیشه خهبات دهكات لهپێناوی عیراقێكی دیموكراتی فیدڕاڵدا، بۆ پاراستنی عیراقێكی دیموكراتی فیدراڵیش پێویستیمان بهوه ههیه كه هاوخهباتی كوردو عهرهب و هاوخهباتی هاوپهیمانی كوردستان لهگهڵ هێزه دڵسۆزهكانی عیراق پتهوتر بكرێت، ههموومان پێكهوه لهپێناوی بهدیهێنانو چهسپاندنی عیراقێكی دیموكراتی سهربهخۆی ئاوهدان و بهختیار درێژه بهخهباتهكهمان بدهین. كوردستان وهك ههمیشه قهڵای دیموكراتی و لیبڕالیزم و بهدیهێنانی برایهتی كوردو عهرهب و توركمان بووه، پێویسته ئهم راستییهمان لهبیر نهچێت كه كۆمهڵێك لهئاواتهكانمان هێشتا نههاتوونهتهدی لهسهروی ههموویانهوه ناوچه دابڕاوهكان، لهسهروی ههموویانهوه شاری كهركوكی خۆشهویست، شاری قودسی كوردستان و خۆشهویست، كه پێویسته ئێمه سیاسهتێكی ژیرانهمان ههبێت، ههم بۆ پاراستنی ههم بۆ بهدیهێنانی مادهی 140، ههم بۆ بههێزكردنی برایهتی كوردو توركمان و دروستكردنی هاوپهیمانی ستراتیژی لهنێوان كوردو توركمان لهكهركوكدا، كه سهدان ساڵه پێكهوهن لهو شاره ژیاون، ههوڵبدهین پێكهوه شاری كهركوك گهشه بكات و رزگاری بێت لهمهترسی تیرۆریستان و لهمهترسی داگیركهرانی نوێی كۆنه بهعسی.
بێگومان ئێمه لهههموو شارهكانی كوردستاندا دهبێت لایهنگری ههموو مافی رهنجدهران و ژنان و گهنجان بین، خهبات بكهین بۆئهوهی كوردستانی ئێمه ببێته نموونهی وڵاتێكی پێشكهوتوو، وڵاتێكی ئاوهدان.
خوشك و برایانی خۆشهویست ..
ئێمه لهكوردستانی خۆماندا ههم گهلێكی هوشیارو ژیرو دانامان ههیه، ههم وڵاتێكی دهوڵهمهند و پڕ لهسهرهوهت و سامانمان ههیه، بۆیه هیوادارین كه وا حكومهتی خۆمان پلانێكی ئهوتۆ دابنێت كه كۆمهڵانی خهڵك كهڵك وهربگرن لهو سهروهتانهی كه لهژێر خاكدانه، ئهمانه لهپێناوی كۆمهڵانی خهڵكی كوردستاندا بهكاربێت، هیودارین كه ههموومان پێكهوه خهبات بكهین بۆ بههێزكردنی یهكێتی ریزهكانی خهڵكی كوردستان، بۆ درێژه پێدانی هاوخهباتی لهنێوان ههموو حزب و لایهنهكان لهپێناوی چهسپاندنی فیدڕالیزم لهكوردستان، لهپێناوی بههێزكردنی تهبایی و برایهتی لهكوردستانداو لهپێناوی پاراستنی عیراقێكی دیموكراتی فیدڕاڵ، هیوادارم گهنجهكانمان دهست لهو دروشمه ههڵگرن كه بۆ یهك تاكه شهخسی دهڵێن، لهجیاتی دروشمدان بۆ نهفهرێك، دروشم بدهن بۆ میللهتهكهمان، بۆ یهكێتییهكهمان، بۆ كۆمهڵانی خهڵكی كوردستان.
خوشك و برایانی خۆشهویست .. ئهوهندهی پێمكرا قسهم بۆ كردن نهتانهێشت قسهكانم تهواو بكهم، ئیتر سوپاستان دهكهم و ههر بژین.
الاثنين، 7 مارس 2011
مام جه لال به رده وام له كه ل داواى ره واى جه ماوه ردا بووين وه جيبه كردنيان بكرنك زانيه وه
ێوارهی دوێنێ 6-3 مام جهلال سكرتێری گشتی یهكێتیی نیشتمانیی كوردستان له هۆڵی شههید شازاد سائیب له بارهگای مهكتهبی سیاسی له شاری سلێمانی لهگهڵ ئهنجومهنی ناوهندی ی.ن.ك كۆبووهوه.له كۆبوونهوهكهدا مام جهلال دووپاتیكردهوه، ئێمه له خۆپیشاندان و كۆبوونهوهی هێمن و ئاشتی و رهخنه ناترسین و دژی نین، بهڵام دهبێت ئهو كۆبوونهوانه شوێن و كاتهكهی زیان له ژیانی رۆژانه و كارو كاسپی خهڵك نهدات، ههرگیزیش لهگهڵ پهلاماردانی بارهگاو دامهزراوهی حكومی و پهكخستنی كارو كاسپی خهڵك و بازاڕدا نین بهناوی خۆپیشاندانهوه، ههروهك رووناكی خستهسهر بارودۆخی ئهمڕۆی عیراق بهگشتی و ههرێمی كوردستان بهتایبهتی، ئاماژهكردن بۆ خۆپیشاندانهكانی چهند ههفتهی رابردووی شاری سلێمانی كه یهكێك بوو له تهوهرهكانی كۆبوونهوهكه.
ههڤال مام جهلال به وردی روونیكردهوه كه سیاسهتی راستی و زانستی و ژیرانه ههمیشه سهركهوتووهو ههڵهشهیی و توندوتیژی و ههڵچوونیش ههمیشه شكستخواردووه، دهربارهی بارودۆخی شاری سلێمانیش ئاماژهی بۆ ئهوهكرد كه ئهو بارودۆخهی لهدوای خۆپیشاندانهكانهوه هاتهئاراوه سهرباری ئهوهی بازاڕ خۆیان رایدهگهیهنن كه زیانی داوه له كارو كاسپی، دهرفهتێكی ئابوری گرنگیشی لهدهستداوه، ئهویش پهككهوتنی پڕۆژهیهكی پیشهسازی گهورهیه له شاری سلێمانی كه وهبهرهێنهرانی كهنداو و ئێران بهنیازبوون لهسلێمانی جێبهجێی بكهن، بهو پڕۆژهیهش دهیان ههزار ههلی كار دابین دهبوو بۆ دانیشتووانی شاری سلێمانی.
ههڤاڵ مام جهلال ئهوهشی روونكردهوه كه لهپاركی ئازادی شاری سلێمانی سهكۆیهكی ئازاد ههیه بۆ خستنهڕووی داواو خواستی خهڵك و رهخنهگرتن له حكومهت و حزب، خهڵكی دهتوانن ههموو كاتێك بچنه ئهو سهكۆیه كه وهك هایدپارك وایه، به ئارهزووی خۆیان قسهبكهن و رهخنهبگرن و هێرشیش بكهن، بێ ئهوهی كاربكاته سهر بژێوی ژیانی خهڵك.
وتیشی: دهبێت ههوڵی تهواو بدرێت كه 17 خاڵهكهی پهرلهمانی كوردستان جێبهجێ بكرێت و ئازادی خۆپیشاندان تێكنهدرێت و ئهو چاكسازییانهی كه دهبێت بكرێن خۆمان بیكهین، ئاماژهی بۆ ئهوهشكرد كه دهبێت كار بكرێت بۆئهوهی جهماوهر رابهێنرێن له سهر رێوشوێن و فێربوونی خستنهڕووی داخوازی و داواكارییهكانیان، بهجۆرێك كه پهلاماردان و توندوتیژی لێ نهكهوێتهوهو رێگهنهگرێت له هاتووچۆ و كارو كاسبی خهڵك.
راشیگهیاند: ههرگیز لهوه نهترساوین كه خهڵك رهخنهو سهرنجهكانی خۆی بهشێوازی دیموكراسی و ئاشتی بخهنهڕوو، ئهوه ئێمهین كه ههمیشه دابینكردنی ئازادی و دیموكراسیمان بۆ خهڵك به ئهركێكی له پێشینهی خۆمان زانیوهو دهزانین، بهردهوامیش لهگهڵ داوای رهوای جهماوهردا بووین، گوێگرتن و جێبهجێكردنی داوا رهواكانیانمان به گرنگ زانیوه، ئهوهشی كه بواری جێبهجێكردنی نهبێت بۆیان روونكراوهتهوه.
سكرتێری گشتی ی.ن.ك راشیگهیاند: ئهزمونی كوردستان شهرعییهتی دهستوری و شۆڕشگێڕی ههیه، حكومهت و پهرلهمان له ئهنجامی ههڵبژاردن دامهزراون سهرۆكی ههرێمیش به ههڵبژاردن پۆستی سهرۆكایهتی وهرگرتووه، هاوكات ئهم دهستكهوته به خوێنی ههزاران شههیدو قوربانی بهدهستهاتووه، ههروهك ئهوهشی بهبیر ئهندامانی ئهنجومهنی ناوهندی هێنایهوه كه دهبێت پڕۆسهی لێپرسینهوه له دارایی لێپرسراوان و كادیرانی (ی.ن.ك) بهپێی رێنماییهكانی كۆنگرهو كۆمسیۆنی نهزاهه كاراو ئهكتیڤ بكهن و پرنسیپی (ئهمهت له كوێ بوو، من أين لك هذا) جێبهجێبكهن.
له تهوهرێكی تری وتهكهیدا سهرۆك تاڵهبانی ئاماژهیكرد بۆ هاوپهیمانی ستراتیژی نێوان (ی.ن.ك) و (پ.د.ك) و به زامنی ئارامی و ئاسایشی ههرێمی كوردستان و فاكتهرێكی گهورهو گرنگی راگرتنی باری سیاسی له عیراق و پێگهی كوردی له بهغدا وهسفكرد، گرنگی زیاتر روونكردنهوهی ئهو هاوپهیمانییهشی بۆ جهماوهر بهپێویستزانی.
له ئاماژهیهكیشدا بۆ بارودۆخی شاری كهركوك، سكرتێری گشتی ی.ن.ك روونیكردهوه كه نهیارانی گهلهكهمان مهرامیان بوو له كهركوك ههمان نائارامی و پشێوی وهك حهویجه دووباره بكهنهوه، بهڵام به ههوڵی دڵسۆزانهی ههموولایهك ئهو پیلانه پهك خرا، لهو رووهشهوه سوپاسی هێزی پێشمهرگهی كوردستانی كرد كه ئارامی و ئاسایشی ههموو پێكهاتهكانی كهركوكیان پاراست،
دهربارهی تهبایی نێوان كوردو توركمانیش رایگهیاند: ئێستا برایانی توركمان لهههر كات زیاتر نێوانیان بههێزه لهگهڵ برایانی كوردانداو بۆیان سهلماوه كه كورد پهرۆشی دابینكردنی مافهكانیانه، بهتایبهتی دوای ئهوهی كه من ههوڵمدا دهستكاری قانونی دیاریكردنی جێگرانی سهرۆك كۆمار بكهم لهجیاتی 3 جێگر ببێت به 4 جێگر، ئهویش توركمان بێت، بهداخهوه ئهو ههوڵه سهری نهگرت، كه دهمویست توركمانیش بهشیان ههبێت، بۆیه ئێستا له كهركوكدا كوردو توركمان یهكگرتووترن و زیاتر هاریكاری یهكتردهكهن، ئهوهش زهمینه سازدهكات بۆ بههێزبوونی هاوپهیمانێتییان.سهرۆك تاڵهبانی ئاماژهشیكرد بۆ ههردوو نوسینگهی كاروباری مهسیحییهكان و فهیلییهكان كه له سهرۆكایهتی كۆمار پێكهێنراوه، دهربارهی بارودۆخی عیراقیش سهرۆك تاڵهبانی رووناكی خستهسهر هاوپهیمانیهتییهكان و تهواوكردنی پڕۆسهی سیاسی و رێوشوێنهكانی چارهسهركردنی كێشه ههڵپهسێردراوهكانی پهیوهست به پێكهێنانی حكومهت، ئاماژهی بۆ ئهوهشكرد كه له ناوچهكانی تری عیراقدا كێشهی چاكسازی و خزمهتگوزاری تائێستا بێ چارهسهركراوی مابووهوه، چونكه بودجهی گشتی وڵات پهسهند نهكرابوو، بهڵام دوای پهسهندكردنی بودجه پڕۆژهكانی ئهو ناوچانهش دهكهونه بواری جێبهجێكردنهوه، بهوهش ههلی كار لهناوچهكانی تری عیراقدا دابین دهبێت، بهتایبهتی كه كۆرییهكان پڕۆژهیهكی 70 ملیار دۆلارییان بهدهستهوهیه بۆ بنیاتنانهوهی عیراق، بهوهش ههموو وڵات نوێ دهبێتهوه.
دهربارهی وزهی كارهباش له بهغداو ناوچهكانی تری عیراق، ههڤاڵ مام جهلال ئاماژهی بۆ ئهوهكرد كه له سهردهمی رژێمی لهناوچوودا پێویست بوو 15 ههزار مێگاوات كارهبا دابین بكرێت، بهڵام حكومهتی سهدام تهنها 3 ههزار مێگاواتی دابین كردبوو، لهدوای 2003 شهوه بووه به 8 ههزار مێگاوات، سهرۆك تاڵهبانی ئهوهشی خستهڕوو كه داهاتی خهڵك له عیراقدا بهگشتی له بهرزبوونهوهدایهو ئێستا ئاستی گوزهرانی خهڵك 4400 دۆلاره، له كاتێكدا له سهردهمی رژێمی سهدامدا 2 تا 6 دۆلار بووه، ئهوهش دهریدهخات كه عیراق بهرهو گهشهسهندن و پێشكهوتن دهچێت، بهتایبهتی ئهگهر باری ئهمنی و سیاسی زیاتر ئۆقرهیی و پێشكهوتن بهدهستبهێنێت.
له كۆتاییشدا ژمارهیهكی زۆر له ئهندامانی ئهنجومهنی ناوهندی (ی.ن.ك) سهرنج و پێشنیازو تێبینی خۆیان خستهڕوو، چهندین پرسیاریشیان ئاڕاستهی سهرۆك تاڵهبانی كرد دهربارهی مهسهله جیاجیاكان، ئهویش بهوردی وهڵامی ههمویانی دایهوه، سهرلهنوێش داوای لێكردن كه ئهنجومهنهكه رۆڵی كاراو شیاوی خۆی له ژیانی رێكخراوهیی (ی.ن.ك) دا بهسهركهوتوویی ببینێت. ئێوارهی دوێنێ 6-3 مام جهلال سكرتێری گشتی یهكێتیی نیشتمانیی كوردستان له هۆڵی شههید شازاد سائیب له بارهگای مهكتهبی سیاسی له شاری سلێمانی لهگهڵ ئهنجومهنی ناوهندی ی.ن.ك كۆبووهوه.
بسه ربه رشتيا مام جه لال مه كته با سياسي (ى.ن.ك) كومبو
رۆژی 5/3/2011 به سهرپهرشتی ههڤاڵ مام جهلال مهكتهبی سیاسی ی.ن.ك له شاری سلێمانی كۆبووه.
كۆبوونهوهكه، سهرهتا بهشێوهیهكی تێروتهسهل بارودۆخی سیاسی عیراق و پێشهاته تازهكانی تاووتوێكردو ههر لهو بوارهدا پهیوهندییه عیراقییهكانی یهكێتیی لهگهڵ حزب و لایهنه سیاسییهكان ههڵسهنگێنرایهوه، بهتایبهت لهبهر رۆشنایی ههلومهرج و پهیوهندییهكانی نێوان هێز و لایهنه سیاسییهكانی عیراق و تهئكید لهسهر بهردهوامبوونی پهیوهندییه عیراقییهكانی یهكێتیی كرایهوه.
تهوهرێكی تری كۆبوونهوهكه باسكردنی ئهو دیداره بوو كه كۆتایی ههفتهی رابردوو لهنێوان سهرۆك تاڵهبانی و سهرۆك بارزانی ئهنجامدراو لهوبارهوه تهئكید لهسهر بهردهوامی و قوڵتركردنهوهو كاراتركردنی رێككهوتنی ستراتیژی یهكێتیی و پارتی كرایهوه، كه ههوێنی هاودهنگی و هاوههڵوێستی و یهكڕیزی گهلهكهمانه.
ههروا كۆبوونهوه، پێداچوونهوهیهكی واقیعییانهی پهیوهندییه كوردستانییهكانی یهكێتیی لهگهڵ لایهنه سیاسییهكانی تری كوردستان، به ئۆپۆزسیۆنیش كردهوهو لهبهر رۆشنایی دوا رووداو و پێشهاتهكانی كوردستان نهخشهڕێگای پێویست دیاركرا.
له تهوهرێكی تردا، كۆبوونهوه بهشێوهیهكی ههمهلایهنه دۆسیهی كهركوك و خانهقی و ناوچه دابڕاوهكانی تر تاووتوێكراو مهترسی و ههڕهشهكانی ههفتهی رابردوو لهسهر ئهو شارو ناوچانهو كاریگهری و ئهگهره سهلبییهكانی لهسهر كۆی پڕۆسهی سیاسی عیراق و پهیوهندی پێكهاته نهتهوهیی و ئایینی و مهزههبییهكانی ئهو ناوچانه به وردی شیكرانهوهو ئهو سیاسهته روونهی ههرێمی كوردستانیش بهرامبهر ئهو مهترسی و ههڕهشانه به ئیجابی ههڵسهنگێندرا و بڕیاریشدرا كه لهوبارهوه راوێژو هاوئاههنگی نێوان هێزه سیاسییهكانی كوردستان له بهرامبهر ئهو مهترسی و ههڕهشانه بهردهوامبێت، وهك چۆن كۆبوونهوه تهئكیدی لهسهر ئهو بیرو راگۆڕینهوه و دیدارانه كردهوه كه لهنێوان لایهنه كوردستانییهكان بهگشتی و یهكێتیی و پارتی بهتایبهت له كهركوك و لایهنه سیاسی و ناوهنده كۆمهڵایهتییهكانی نهتهوهكانی كهركوك به توركمان و عهرهب و پێكهاتهكانی تر كرایهوه، بهتایبهت لهگهڵ حزبه سیاسییهكانی توركمان و بڕیاری ئهوهشدرا كه ئهو بیروڕا گۆڕینهوانه بهردهوام بن به ئاقاری لێكتێگهیشتنی ههرچی زۆرتر.
كۆبوونهوه لهبارهی بارودۆخی ناوچهكانی كهركوك و خانهقی تهئكیدی لهسهر ئهوه كردهوه كه ئهو دۆسیهیه سهبارهت به گهلی كوردستان، دۆسیهیهكی یهكجار ههستیارهو رێگهدان بهوهی كه ههندێك لایهنی شۆڤێنی و كۆنه بهعسییهكان بهگهمهیهكی سیاسی حساب بۆ نهكراوهوه مامهڵهی لهگهڵدا بكهن، زیانێكی گهوره له عیراق و پڕۆسه سیاسییهكهی دهدات، كه ئهمه لای یهكێتیی و لای هاوپهیمانهكانی، بهتایبهت پارتی دیموكراتی كوردستان و لای گهلی كوردستان و زۆرینهی حزبه سیاسییهكان، وهك مهترسییهكی گهوره تهماشا دهكرێت و بڕیاریشدرا كه ههموو هێزه سیاسییه كوردستانی و هاوپهیمانی و فراكسیۆنهكانی پهرلهمان له بهغداو حكومهتی عیراق و لایهنه ناوچهیی و دهولییه دۆستهكان له مهترسیدارهكانی به وردی ئاگادار بكرێنهوه.
تهوهرێكی تری كۆبوونهوهكه باسكردنی بارودۆخی كوردستان بوو، لهبهر رۆشنایی ههڕهشهو پیلانه شۆڤێنیهكان و لهبهر رۆشنایی بارودۆخی تازهی ناوخۆی ههرێمی كوردستان.
لهوبارهوه كۆبوونهوه به وردی هۆكارو پاشخانه ئاسایی و نائاساییهكانی خۆپیشاندانی بهشێك له هاووڵاتیانی سلێمانی و چهند شارۆچكهیهكی تاووتوێكرد، لهو سۆنگهیهوه وێڕای تهئكیدكردنهوه لهسهر مافی یاسایی و دیموكراسییانهی خۆپیشاندانی مۆڵهت پێدراو و مهدهنییانهی هاووڵاتیان، كۆبوونهوه جهختی لهسهر ئهوه كردهوه كه ی.ن.ك هاودهنگ لهگهڵ هاوپهیمان و دۆستهكانی، بڕیاره حهڤده خاڵییهكهی پهرلهمان و راگهیهندراوی بهڕێز سهرۆكی ههرێم به چوارچێوهیهكی یاسایی و بنیاتنهرو واقیعی چارهسهر دهزانێت، بهتایبهت كه چاكسازی پێویست و گهڕانهوه بۆ رای دهنگدهرانی له ههڵبژاردنێكی پێشوهختدا دابین دهكات.
ههر لهوبارهوه كۆبوونهوه به پێویستیزانی كه ئهو پهیامهش بگهیهنێته خۆپیشاندهران، كه پابهندبوونی خۆیان به ناڕهزایی دهربڕینی یاسایی و مهدهنییانهو هێمنانه به كردهوه بهرجهسته بكهن و هاوكاری ههموو لایهنهكانی پهرلهمان و حكومهتی ههرێم بن، كه به گرنگییهوه مهبهستیانه گوێ له رهخنه و داخوازییه رهواكانیان بگرن.
تهوهرێكی تری كۆبوونهوهكه باسكردنی یادی بیستهمین ساڵی راپهڕینه مهزنهكانی كوردستان بوو، لهو بوارهدا یادكردنهوه پڕ شكۆ و جهماوهرییه فراوانهكهی پێنجی ئازاری شاری رانیه به بهرزی نرخێنرا، ئهو بهشدارییه فراوانهشی به دڵسۆزی خهڵكی دهڤهرهكه بۆ سهروهرترین رۆژی ناوچهكهو كوردستان لێكدرایهوه و مهكتهبی سیاسی و وێڕای سوپاسی جهماوهری ئهو دهڤهره له ههموو چین و توێژو بیروڕا سیاسییهكان، پیرۆزبایی گهرمی خۆی جارێكی كهش به خهڵكی دهروازهی راپهڕین و تهواوی كوردستان راگهیاندهوه.
السبت، 5 مارس 2011
به يانامه ى مه كتبى سياسى (ى.ن.ك) به بونه ى ساليادى رابه رينه وه
مهكتهبی سیاسی یهكێتیی نیشتمانیی كوردستان له بهیاننامهیهكدا بهبۆنهی 20 ساڵیادی راپهڕینه مهزنهمهی گهلهكهمان پیرۆزبای لهسهرجهم هاووڵاتیانی كوردستان و كهسوكاری سهربهرزی شههیدان دهكات ئهمهی خوارهوه دةقةكةيةتي.بهیاننامهی مهكتهبی سیاسی یهكێتیی نیشتمانیی كوردستان بهبۆنهی ساڵیادی راپهڕین
هاووڵاتیانی تێكۆشهری كوردستان!
ئهمرِۆ، ههموو گهلهكهمان، به شانازییهكی بێ وێنهوه یادی بیستهمین ساڵرِۆژی راپهرِینی مهزنی گهلهكهمان دهكاتهوه، كه له پێنجی ئازاری 1991 دا له رانییهی دهروازهی راپهرِیندا كڵپهی سهندو بهخێراییهكی كهم وێنهوه، هاوشان لهگهڵ ئهو حهماسه گهورهیهی كه ناخی ههموو كوردستانییانی جۆش ئهدا، سهراپای كوردستانی عیراقی گرتهوه، به كهركوكی خۆشهویستیشهوه، بۆیه لهم یادهدا، بهر له ههموو شتێك ئهبێ سهری رێزو نوازش بۆ شههیدانی راپهرِین دانهوێنین و بهو پهرِی پێزانینیشهوه، یادی ههموو چین و توێژه راپهرِیوهكان و پارته سیاسییهكانی كوردستان و بهرهی كوردستانی بكهینهوه، كه له ههستانهوهیهكی یهكرِیز و هاودهنگدا، گهورهترین سهركهوتنیان له مێژووی كوردایهتیدا تۆمار كردو وهرچهرخانێكی بنهرِهتی، بۆ بزووتنهوهی رزگاری گهلهكهمان دهستهبهر كرد، كه كوردایهتی بۆ تاههتا له مهترسی شكست و دیاردهكانی دامركانهوه رزگاركرد.
هاونیشتمانانی خۆشهویست! دهرس و پهندو راستییهكانی راپهرِین له ئاستی سیاسی و كۆمهڵایهتی و كلتوورییدا زۆر و فراوانن، بهڵام له پێش ههموویانهوه ئهو دهرسه، كه تا ئێستاش بهزیندوویی ماوهتهوهو ئهمێنێتهوه، ئهو دهرس و پهندهیه كه له یهكرِیزی گهلهكهمان له ئاستی رێبهرایهتی و جهماوهرییدا درهوشاوه بوو، چونكه ئهوێ رۆژێش وهك ئهمرِۆ، بهبێ یهكرِیزی رێبهرایهتی و یهكرِیزی چین و توێژهكانی گهل، ئامانجێكی لهو جۆره، دیاره وهرچهرخانێكی ئاوا قووڵ وهدی نهدههات.
بیست ساڵ له تهمهنی راپهرِین، چهند راستییهكی بهرچاوی تریشی بهردهوام و ساڵ دوای ساڵ تهئكید كردۆتهوه، كه له پێش ههموویانهوه، ئهو راستییه ههمیشه درهوشاوهتهوه، كه نابێ سهركهوتنی راپهرِین به نامۆیی و تاقانهیی بمێنێتهوه، بهڵكو ئهبێ بهردهوام ئهو سهركهوتنه بههێزو توندوتۆڵ بكرێ، به وهدیهێنانی دهسكهوت و سهركهوتنی زۆرتر، لهو روانگهیهوه یهكهمین ههڵبژاردنی سهرتاسهری و برِیاری فیدرِاڵی و پێكهێنانی یهكهمین حكومهتی ههڵبژێردراوی ههرێمی كوردستان، سهركهوتنێكی تری مهزن بوو، كه سهركهوتنی راپهرِینی بههێزتر و پرِمتمانهتركردو قووڵایی دیموكراسی بهخشییه سهركهوتنهكهو نهخشهرِێگای كۆمهڵگایهكی دیموكراسی ئهوتۆی دارِشت، كه ههموو ئهو پێشكهوتن و ئازادییانهی ئهمرِۆ بۆ ههموو گهلهكهمان وهدیهاتوون، بهرههمی ئهو نهخشه رێگا دیموكراسییهن، كه تهنیا دوای یهك ساڵ له تهمهنی راپهرِین، خرایه قۆناخی جێبهجێكردنهوه.
هاووڵاتیانی خۆشهویست!
له بیست ساڵی رابردوودا، راپهرِین و بهردهوامبوونی سهركهوتن و نهخشه رێگاكانی رووبهرِووی دهیان پیلانی گهورهو ترسناكی ناحهزان و دوژمنانی گهلهكهمان بووهوه، كه ههموویان بهشی خۆیان زیانی گهورهیان لێداین و زۆرجار له لێواری بهتهواوی لهبارچوونی نزیك كردینهوه، بهڵام ئهوه ئهو ئیراده پتهوی گهلهكهمان و حزبه سیاسییهكانی بوو، كه نهیهێشت سهركهوتنمان به شكست بگۆرِێ و نهیهێشت تراژیدیاكانی رابردووی شۆرِش و راپهرِینهكانی پێشوو دووباره ببنهوه.
هاووڵاتیانی بهرِێز
بیست ساڵ، له ههڵچنینی دهستكهوتهكانی ئهزموونهكانی سهركهوتن و گهیشتن بهئهمرِۆ، خۆرِسكانه نهبووه، بهڵكو بهرههمی ئیدارهدانێكی سیاسی وردی ململانێكان بووه، لهلایهكهوه لهگهڵ نهیارو دوژمنانی گهلهكهمان و لهلاكهی تریشهوه لهگهڵ فاكتهره خۆیی و ناوخۆییهكانی نووچدان و پاشهكشه پێكردن، بۆیه ئهم تهمهنه، با تهنیا نۆزده ساڵیش بێ، بهڵام تهمهنێكه كه ئهبێ ههموومان شانازی پێوه بكهین و ههمووشمان توند دهست به بهردهوام بوون و سهركهوتنییهوه بگرین و دهسكهوتهكانی بهو جوانییهوه ببینین، كه دهسكهوتی ههموومانه، بهو نهوانهشهوه كه ساڵانێكی درهنگتر تهمهن فریای ئهوهی خستن كه له جوانتركردنی دهسكهوتهكان و فراوانكردنیان بهشدار بن، ههر بۆیه ئێمه راپهرِین تهنیا به دهسكهوت و شانازی نهوهی بهشدار له سهرفرازییهكانی راپهرِین نازانین، بهڵكو بهدهسكهوت و شانازی نهوهی ئهمرِۆش ئهزانین، كه له سایهی ئهو شانازی و دهسكهوتهوهیه كه نهوهیهكی هۆشیارو كاراو پێشكهوتووه و جێی خۆیهتی كه ئهم نهوهیهش، وا راپهرِین ببینێ نهك تهنیا به تێكۆشان و دهسكهوتی نهوهكانی پێش خۆی بزانێ، بهڵكو بهتێكۆشان و دهسكهوتی خۆیشی بزانێ، ئهمهش تهنیا بۆ شانازی پێوهكردنهوه نییه، بهڵكو بۆ ئهوهشه كه خاوهندارێتی كردنی راپهرِین و سهركهوتن و دهسكهوتهكانی لهلایهن نهوهی نوێوه، ببێته ئهو سهرمایه مهعنهوی و ماددییهی كه لهمرِۆ بهدواوه، له بهشداریێكی فراوانتر و باڵاتردا رۆڵی خۆیان ببینن، چونكه ئیتر ئۆباڵی پاراستن و پێشكهوتن و وهدیهێنانی ئامانجه وهدینههاتووه سیاسی و كۆمهڵایهتییهكان، پشكی ههره زۆری بهر ئهو نهوهیه ئهكهوێ، كه ئێستا، دوای نۆزدهساڵ له سهركهوتنی راپهرِین ئامادهگی ئهوهی تیادا بهرِوونی بهرجهسته بووه، كه شایستهی وهئهستۆ گرتنی ئهو بهرپرسیارێتییه گهورهیه بن.
هاووڵاتیانی تێكۆشهر
گهلهكهمان له ههل و مهرجێكدا، پێ ئهنێته ناو بیسهمین ساڵی راپهرِین، كه هێشتا مهترسی و ههرِهشهكان، وهك خۆی، بهڵام بهشێوازێكی جیاواز بهردهوامن، هێشتا ئهزموونهكهمان به تهواوهتی لهخهم نهرِهخسیووه، چونكه له لایێكهوه دوژمنان و نهیارانمان بهتهواوی چۆكیان دانهداوهو، هێشتا ئهو نهیارو دوژمنانه، كه كهم نین له هێزو برِستی پیلانگێرِی نهكهوتوون، له لاكهی تریشهوه، هێشتا ههموو ئامانجهكان وهدینههاتوون، بهتایبهت مافه دهستوورییهكانمان و گهرِانهوهی ناوچه دابرِێندراوهكانی وهك كهركوك و خانهقین و شنگال و دهیان شاروشارۆچكهی تر، كه ئێستا له ههموو وهختێك زیاتر مهترسی و ههرِهشهیان لهسهره.
ههروا، مهترسیێكی تریش كه رووله ئهزموونهكهمانه، ئهو قهیرانهیه كه سیستمی حوكمرِانی و پرۆسهی سیاسی و دیموكراسی كوردستان رووبهرِووی بۆتهوه، كه چارهسهركردنی خێراو ههنووكهیی پێویسته، رێی بهرههمداری دهرچوون لهو قهیرانهش رێی دیالۆگ و پێكهوه كاركردن و پێكهوه شاندانهبهرییهتی له چوارچێوهی دامهزراوه شهرعییهكانی كوردستان و دیالۆگێكی كۆمهڵایهتی نهرم و ئامانجدار لهم رِێرهوهشدا، دهزانین شهقامی سیاسی كوردستانی، ئاڕاستهی نوێی بۆ هاتۆته پێش، لهپێشهوهدا، دیاردهی رهخنهی دهسهڵاتی چوارهم و كاریگهریهكانی دیموكراسی و ئازادی جیهانگیرییه، لهلایهكی تریشهوه، راچهنینی خهباتی مهدهنی و داخوازی مافه بهدی نههاتوهكانی جهماوهره، بهچارهسهركردنی گهندهڵی و گرفته پهنگ خواردوهكانی ساڵانی دهسهڵاتدارێتی رابردوو،. ئهم راستییانهش ئهركی نوێ دهخهنه بهردهم یهكێتی و حیزبهكان و پهرلهمان و حكومهت كه ناكرێ چیكه، بهرنامهی چارهسهری راستهقینهیان بۆیان نهبێ، ههمیشه له مێژووشدا، ئهو شۆرِش و رِاپهرِینانه بهزیندوویی دهمێننهوه، كه له زیندوێتی جهماوهری وشیار و داخوازییه دیموكراسیه رهواكان، باش ورد دهبنهوه و رێگه چارهسهری راستهقینهش بۆ كێشهو بێشهی قۆناغهكان دهدۆزنهوه.
كهسوكاری سهربهرزی شههیدان، ههڤاڵانی یهكێتی و پێشمهرگه قارهمانهكانی كوردستان،
لهم یادهدا، ئهوانهی بهرلهههموو كهس ئهبێ شاناز و سهربهرز بن، ئێوهن ، كه بهر له بیست ساڵ له راپهرِین و خوێن بهخشین و قوربانیداندا پێشهنگ و پێش قهرهوڵ بوون و هاوشانی ئهندام و لایهنگرانی حزب و لایهنهكانی تر و هاوشانی ههموو چین و توێژهكانی كوردستان راپهرِینتان ئهنجام داو بهسهركهوتنتان گهیاند.
سڵاو له یادی بیست ساڵهی راپهرِینی مهزن
سڵاو له شههیدانی نهمر
سڵاو له كوردستان
مهكتهبی سیاسی
یهكێتیی نیشتمانیی كوردستان
2011/3/5
الاثنين، 28 فبراير 2011
سه روك تاله بانى به ياننامه ك ئاراسته ى روله كانى كه لى عيراق ده كات
ئهمه دهقی تهرجهمه كراویی بهیاننامهكهی سهرۆك تاڵهبانی-یه كه ئهمڕۆ 28-2 راگهیهنراوه.
ئهی گهلی عیراقی بهڕێز سڵاوی خواتان لێبێت
دیموكراسی ئامانجێكه گهلان ههوڵ دهدهن پێی بگهن پێویستییهكیشه دهبێت بێتهدی بۆ وهدی هێنانی داد پهروهریی كۆمهڵایهتی و زامنكردنی ئازادیی و مافهكان و دادپهروهریی بۆ ههموو هاووڵاتیان گۆڕانكارییهكانی ناوچهكهشمان دهیسهلمێنن ههوڵدان بۆ هاتنه كایهی كۆمهڵی دیموكراسی بووهته خاڵێكی هاوبهشی گهلانی ناوچهكه.
وڵاتهكهمان كاتێك لهچنگی سهركوت كردن و ژێر دهستی رزگاری بوو پێش ئهم كاروانه ههنوكهییه مێژووییه كهوت ئهوه بو گهل لهڕیفراندۆمێكدا بڕیاری لهسهر دهستوری ههمیشهییدا بهچاودێری نێودهوڵهتی و ناوخۆیی فراوان ههڵبژاردنی پهرلهمانی كردو كۆدهنگییهكی بێگهردی و بابهتییانهی ئهو پرۆسهیهی پێبهخشرا لهبهر رۆشنایی ئهنجامهكانیشدا دهسهڵاتی جێبهجێكردن پێكهات، بهڵام كاروانهكهمان بێ كۆسپ و گرفت نهبوو ترسناكترینیان تێرۆری پشتیوانی كراوو هاندراوبوو لهلایهن دوژمنانی پرۆسهی سیاسی بهتایبهتی لهلایهن پاشماوهكانی ئهو رژێمه دیكتاتۆریهی لهدوای خۆی وڵاتێكی وێران و شهتهكی بۆ بهجێهێشتین .
دهبێ دان بهوهشدا بنێین كهههڵهی خۆیی و كۆسپی ناو سیستمی نوێ و نزمی و خراپی له راپهڕاندنی ئهركهكان بهتایبهتی لهبواری خزمهتگوزاریی و سستی لهقهڵا چۆكردنی گهندهڵی و دابینكردنی ههلی كاردا ههبووه كهڵهكه بوونی كێشه بهمیرات بهجێماوهكانی رژێمی لهناوچوو كێشه تازهكانیش ناڕهزایی لای خهڵك دروستكرد ئهوهش بووه هاندهرێك كهژمارهیهك لههاووڵاتیانی عیراق مافی دهستوری خۆیان پهیڕهو بكهن لهخۆپیشاندانی هێمنانهو گوزارشتكردن لهبیروڕای خۆیان و بێنهدهنگ بۆ داواكارییه رهواكانیان.
خۆپیشاندانهكانی رۆژی ههیینی رابردوو توندوتیژی بهخۆوه بینی ئهوانهی لهپشتهوه بوو كه مهرامیانبوو ناڕهزایی خهڵك بۆ درز خستنه ناو سیستمی سیاسی بهكار بهێنن بهڵام لهئهنجامی یهكخستنی ههوڵی هێزه ئهمنییهكان و ههندێ لهخۆپیشاندهران كه ئهوپهڕی هوشیاری و دیسپلینییان نواند پیلانهكهیان شكستی خوارد.
ههرلادانێك لهقانون بهتوندی ئیدانه دهكرێت، ههرتێكدانێكی ئارامی دهرچونه لهقانون ئهو قانونه خۆپیشاندانی هێمنانه دهستهبهر دهكات بهڵام مهرج دادهنێت قانونهكان پێشێل نهكرێن .
ئهگهر ناڕهزایی مافێكی رهوایهو دهستور زامنی ئهكا ئهوا ههوڵهكانی درز خستنه ناو سیستمی دیموكراسی جێگهی قبوڵ نییه چونكه دهسهڵات لهوڵاتهكهماندا لهمیانهی ئیرادهی گهلییهوه ئاڵوگۆڕ دهكرێت كهخۆی لهههڵبژاردنی گشتی دهبینێتهوه لهڕێی سندوقهكانی دهنگدانهوه لهكاتێكدا هێزهكانی ئاسایش پابهندن بهڕاپهڕاندنی ئهركهكانیان لهپاراستنی ئارامی، پێویستیشه خۆیان بهدور بگرن لهههر شتێك كهگیانی هاووڵاتیان بخاته مهترسییهوه بهداخهوه خۆپیشاندانهكانی ئهم دواییه لهژمارهیهك پارێزگای وڵات تهقهكردن و كاری تریان بهخۆوه بینی و قوربانی و برینداریان لێكهوتهوه ئێمه داوادهكهین لێكۆڵینهوه بكرێت بۆ ئاشكرابوونی ئهوانهی كهم تهرخهمیان نواندووهو لێپێچینهوهیان لهگهڵدا بكرێت هاوكات دهبێ گرنگی زامن كردنی سهلامهتی رۆژنامهنوسان و ئازادی راگهیاندن لهبهرچاو بگیرێ كهئامڕازێكی گرنگه بۆپهیوهندی بهردهوام لهنێوان دهسهڵات و كۆمهڵدا .
دهبێت دهسهڵات لهكۆمهڵه دیموكراسییهكهماندا ئاگای لهخواستی خهڵك بێت و گوێیان لێ بگرێت و داواكارییه رهواكانیان جێبهجێ بكات ئاشكراشه كێشهی خزمهتگوزاری بهتایبهت وزهی كارهباو دابینكردنی مهوادهكانی كۆبونی خۆراك و ئهوانی تر پێویستیان بهچارهسهری ریشهیی و جدییه ههروهك ریشه كێشكردنی گهندهڵیش كه نهك ههر ئابوری پهكخستووه بهڵكو بووهته هۆیهكیش بۆ لهق بوونی متمانهی هاووڵاتیان بهسیستمی دیموكراسی.
ئێمه پشتیوانی بانگهوازهكهی دهوڵهتی سهرۆك وهزیر نوری مالكی ئهكهین بۆ دیاریكردنی ماوهی 100 رۆژ بهمهبهستی دهستبهكاربوون بۆ چارهسهركردنی كێشهكانی ئێستاو لێپێچینهوهی ههر لێپرسراوێك كه كهمتهرخهمی و خراپ راپهڕاندنی ئهركهكانی لهسهر ساغ ببێتهوه.
ڕهنگه وا بهخێرایی ههمو ئهو دۆسیانه چاره نهكرێن و ماوهیهكی پێویست بێت، بهڵام دهبێت لهچوارچێوهی پلانێكی سهرتاسهریدا رێوشوێنی خێرا بگیرێتهبهرو خشتهیهك دابنرێت بۆ جێبهجێكردنیان و لهبهردهم جهماوهریشدا ئاشكرا بكرێت بۆئهوهی حكومهت بهدواداچونی بۆ بكاو پهرلهمان چاودێری بكا راگهیاندن و رێكخراوهكانی كۆمهڵی مهدهنی و هاووڵاتیانیش بهگشتی ئاگاداری جێبهجێ كردنیان بن.
ئهو جۆره رێوشوێنانه لهگهڵ داواكارییهكانی هاووڵاتیان و بانگهوازهكانی مهرجهعیهته ئاینییه بهڕێزهكان یهك دهگرێتـهوه كهمهترسی پشتگوێخستن و دهستی دهستیكردن بهڕای خهڵكیان رون كردۆتهوه .
لهپاڵ چارهكردنی كێشهكان لهئاستی دهسهڵاتی فیدراڵی مهركهزی دهبێ چاوخشانهوهیهكی راستهقینهش بكرێ بۆكاری ئهنجومهنی پارێزگاو ئهنجومهنه ناوخۆییهكان كهژمارهیهكیان لهئاستی بهرپرسیارێتی خۆیاندا نهبوون.
دهسهڵات و ههموو ئاستهكانی بهرپرسیارن لهههماههنگی و هاریكاری یهكتر نابێت هیچ لایهنێكی بهشداربوو لهحكومهت باری ئێستا بهكار بهێنێت و بیقۆزێتهوه بۆ دهستكهوتێكی سیاسی، شهراكهتی راستهقینه مانای ئهوه نییه بهشداربی لهسودو دهستكهوتهكانداو خۆت بكهیته خاوهنی، بهڵام لهكهموكورتییهكاندا خۆت بهدور بگریت و خۆت بهخاوهنی نهزانی .
سیستمه سیاسییهكهمان ئهنجامی خهباتێكی درێژ خایهنی گهلهكهمان و بهرههمی ههڵبژاردنی ئازادبوو، بهڵام كاری دهسهڵاتی ههڵبژێردراو پێویستی به راستكردنهوهو ههڵسهنگاندن و ئاگادار كردنهوهی بهردهوامه لهلایهن گهلهوه.
بهدهنگهوه هاتنی داوا رهواكانی گهلیش قوڵكردنهوهی شهرعیهتی دهسهڵات و سیستمه دیموكراسیه پهیڕو كراوهكهیهتی لهوڵاتهكهماندا.
جهلال تاڵهبانی
سهرۆك كۆمار
الاشتراك في:
الرسائل (Atom)