له دیدارێكی تایبه‌تدا له‌گه‌ڵ PUKmedia ئازاد جندیانی لێپرسراوی مه‌كته‌بی راگه‌یاندنی یه‌كێتیی نیشتمانیی كوردستان رایگه‌یاند: هه‌ردوو مه‌كته‌بی سیاسی یه‌كێتیی نیشتمانیی كوردستان و پارتی دیموكراتی كوردستان یاداشتێكیان سه‌باره‌ت به‌و مه‌ترسییانه‌ی كه رووبه‌ڕووی شاری كه‌ركوك ده‌بێته‌وه بڵاوكردووه‌ته‌وه، هه‌روه‌ها وتیشی: ئه‌وه پیلانێكی كوده‌تاییه‌و پێویسته هه‌موو جیهانی لێ ئاگادار بكرێته‌وه، چونكه ته‌قینه‌وه‌ی بارودۆخی كه‌ركوك ره‌نگه كێشه‌و قه‌یرانێكی زۆر گه‌وره له ئاستی عیراقدا دروست بكات، بۆیه ئێمه وه‌ك (ی.ن.ك) و (پ.د.ك) ده‌مانه‌وێت هه‌موو جیهان له‌و پیلانه ئاگاداربێت و هاوكاریمان بكه‌ن كه نه‌هێڵین ئه‌و پیلانه سه‌ربكه‌وێت و بارودۆخی كه‌ركوك و ناوچه‌كانی تری عیراق بشێوێنن، چونكه رێگرتنی پێشوه‌خت باشتره له‌وه‌ی دوای ته‌قینه‌وه‌ی بارودۆخه‌كه به‌دوای چاره‌سه‌رێكدا بگه‌ڕێین، بۆیه هه‌ڵمه‌تێكی به‌رفراوانمان ده‌ستپێكردووه‌و ئه‌و یاداشته‌مان ئاڕاسته‌ی هێزه عیراقییه‌كان كردووه، هه‌روه‌ها ئه‌و به‌یاننامه‌یه‌ی كه مه‌جلیسی سیاسی عه‌ره‌بی له كه‌ركوك بڵاویكردبووه‌وه، گه‌یاندوومانه‌ته كونسوڵ و باڵیۆزخانه‌و چه‌ندین شوێنی تر، هه‌روه‌ها له ده‌ره‌وه‌ش به‌وپێیه‌ی كه ی.ن.ك ئه‌ندامی سۆسیالیست ئینته‌رناسیۆناله، له ئێستاشدا سه‌رقاڵی ئه‌وه‌ین كه ئه‌وانیش له‌و بابه‌ته ئاگاداربكه‌ینه‌وه، نوێنه‌رانیشمان له وڵاتانی جیهان سه‌رقاڵی ئه‌وه‌ن كه مه‌ترسی ئه‌و مه‌سه‌له‌یه له‌ڕێگه‌ی نامه‌و له‌ڕێگه‌ی ناردنی ئه‌و به‌یاننامه‌یه‌ی مه‌جلیسی سیاسی عه‌ره‌بییه‌وه، هه‌وڵه‌كانمان چڕبكه‌ینه‌وه یه‌ك پشتیوانی گه‌وره‌ی ناوخۆیی، عه‌ره‌بی، نێوده‌وڵه‌تی دروست بكه‌ین بۆ رێگرتن له‌و پیلانانه‌ی كه سه‌باره‌ت به عیراق به گشتی و كه‌ركوك به‌تایبه‌تی ده‌كرێن، كه ده‌یانه‌وێت له‌ڕێی كه‌ركوكه‌وه پیلانێكی گه‌وره سه‌باره‌ت به عیراق به‌ڕێوه بچێت.
له‌درێژه‌ی لێدوانه‌كه‌یدا بۆ PUKmedia جندیانی وتی:
ليست هناك تعليقات:
إرسال تعليق