مالبه رى سه ره كى

الأحد، 20 فبراير، 2011

خه لكى دهوك ئازاوه كريان ره ت دكه ن

/www.pukmedia.comئه‌و توندتیژی و ئاژاوه‌گیریا په‌یدابووی ل باژێری سلێمانیی كو رێره‌وی خو پیشاندانه‌كی پشتی تمام بونا ده‌می وی یی یاسایی هاته‌گوهورین و سه‌ر ئه‌جام په‌لامارا هه‌ردوو باره‌گایێن لقا 4 یا پ،د،ك و رێكخراوێن دیموكراتی یێن ی،ن،ك هاته‌دان و ته‌قه‌هاته‌كرن و كه‌سه‌ك هاته‌كوشتن و خوپیشاندانان ب تشته‌كی شارستانی دزانن كو یێن یاسایی بن لی ئاژاوه‌گێری و توند وتیژیی ره‌ت دكه‌ن.
رۆژنامه‌ڤان حه‌سه‌ن فه‌تاح دبێژیت: هه‌ر چه‌نده‌ خوپیشاندان یا ده‌ستویر دایی بوو ژ ده‌مژمێر 30/2 تا 5 ئێڤاری، لی ئه‌ڤا هاتیه‌كرن، پشتی وی ده‌می یاسایی بویه‌ له‌وما ئه‌م شێن بێژین كاره‌كی نه‌یاسایی وتێده‌رانه‌بوو، مه‌نه‌ڤێت ژی كه‌لتوری خو پیشاندانی ل هه‌رێما كوردستانی بهێته‌ گوهرین و هه‌ر كاره‌كی ڤی ته‌ناهیا ل هه‌رێما كوردستانی هه‌یی تێكبده‌ت و داموده‌زگه‌هێن فه‌رمی و مال و سامان و گیانی هاولاتیان بێخیته‌ دمه‌ترسیی دا ئه‌م ره‌ت دكه‌ین، ڤان بویه‌ران ئیدانه‌ژی دكه‌ین و داخاز دكه‌ین ب زویترین ده‌م لێژنه‌كا ڤه‌كولینی یا بی لایه‌ن بهێته‌ پێكئینان و ئه‌و ده‌ستێن ل پشت ڤان كه‌سان بهێنه‌سزادان لگوره‌یی یاسایی چونكه‌ ئه‌ڤه‌ گومانه‌كی ل جه‌م مروڤی په‌یدا دكه‌ت كو ده‌سته‌ك ل پشت هه‌بویه‌ ژبه‌ر كو پرانیا وان نه‌فام و سنێله‌بون.
ئه‌ز روژنامه‌ڤان شیروان محمد تاهر، دبێژم كو خو پێشاندان ل هه‌می وه‌لاتا تشته‌كی زور نورماله‌ ل ده‌ما خو پیشاندان دبنه‌ توندو تیژی، ئه‌ڤه‌ نه‌ تشته‌كی شارستانیه‌ و بارودوخی هه‌رێما كوردستانا عیراقی یی ئارامه‌ و  جیرانێن هه‌رێما كوردستانی ژی هه‌می دوژمنن، ئه‌ڤجا هیڤیدارم ژ هه‌می خه‌لكی كوردستانی ئارامیا وه‌لاتی مه‌ راگرن.
رۆژنامه‌ڤان ناسر حكمه‌ت ل دور بویه‌رێن روژانین بوری ل كوردستانی رویداین دبێژیت: پشتی بورینا 20 سالان ل سه‌ر ئه‌زمونا هه‌رێما كوردستانی مه‌ هوسا هزركر، كو كوردستان ژ قوناغا توند و تیژیی ده‌رباز بویه‌، لی ب مخابنی ڤه‌ دبێژین كو ئه‌ڤرو هنده‌ك كه‌س بو پاراستنا به‌رژه‌وه‌ندیا تاكه‌ كه‌سیا خو بزاڤی دكه‌ن كه‌لتوری توند و تیژیی ساخ كه‌نه‌ڤه‌، كو ئه‌ڤ چه‌نده‌ مه‌ترسیه‌كا نشیمانی و نه‌ته‌وه‌یی دروست بكه‌ت و خواندنه‌كا خراب ب حكومه‌ت و گه‌لی كوردستانی دبیت.

ليست هناك تعليقات:

إرسال تعليق